Mu kwiziha umunsi mukuru wa Caritas muri Paruwasi ya Kabuye tariki 28 Nyakanga 2024 Mutemberezi Claver umwe mu bagenerwabikorwa yashimiye Caritas uburyo yamwitayeho nyuma yo gukora impanuka agaragaza ko iyo ataza gufashwa no kwitabwaho na Caritas ikamugoboka aba yarapfuye.
Mutemberezi Claver avuga ko yakoze impanuka mu mwaka wa 2014 agwiriwe n’igiti bituma agira uburwayi bw’ingingo bwo kuba pararise igice cyo hasi cyose.
Ati ” Ndashimira Caritas kuko imfasha umunsi ku wundi nkaba narakomeje kubaho muri iyo myaka yose inyitaho”.
Ubu Mutemberezi agendera mu kagare kuko yagize ubumuga butamwemerera kuba yagira indi mirimo abasha gukora.
Caritas imufasha mu byo ku muvuza n’izindi nkunga zitandukanye zimufasha gukomeza kubaho.
Uyu munsi wabimburiwe n’igitambo cya Misa yaturiwe muri Sentarare Bweramvura witabirwa n’abagenerwabikorwa ba Caritas banatanga ubuhamya bw’ibyiza yabagejejeho.
