Ababyeyi bo mu karere ka Rurindo bavuga ko kwigishwa na Caritas Kigali gutegura indyo yuzuye byatumye abana babo bava mu mirire mibi ndetse birinda n’abandi kurwa indwara ziterwa n’imirire mibi.
Ibi babitangaza nyuma yo kwigishwa na Caritas Kigali kumenya gutegura indyo yuzuye binyuze mu ngo mbonezamikurire.
Kumenya gutegura indyo yuzuye byabafashije kwita ku mirire y’abana bato ndetse bibafasha kunoza isuku yo mu ngo, ku biribwa no ku mubiri.
Caritas Kigali ifatanya n’akarere ka Rulindo na Gakenke muri gahunda y’ingo mbonezamikurire mu rwego rwo kubafasha kurwanya imirire mibi mu bana.
Ibikenerwa ngo ifunguro rishyitse rigerweho, bidasaba ubushobozi buhambaye, ahubwo ko hari ibiryo bijya byirengagizwa nk’imboga n’imbuto, bigatuma abana batabigaburirwa bakura nabi.
